過時過節，美食當前，食量一般都會大增！如果一不小心進食過多漲胃食品，會加重胃部負擔，容易引起身體不適。所以進食大餐之前，要學識揀飲擇食，做一個聰明嘅吃貨之人！以下五類食物，容易引起漲胃，大家要適可而止啊！
1.芝士
芝士屬牛奶製品，含有天然乳糖，但當芝士未完全被消化，而人體中又無足夠嘅乳糖分解酵素，就會喺腸道、胃部中產生氣體。而且芝士本身較飽滯、油膩，容易導致漲胃。
2.西蘭花
西蘭花屬於高纖食物，當中仲包括果糖、半乳糖等成份，由於纖維含量高，所以比較難消化。西蘭花喺腸胃中一旦未被完全消化吸收時，西蘭花容易會遇上細菌而發酵，令人感到胃脹、充滿胃氣。
3.糥米
糯米同普通白米雖然都屬澱粉質食物，但就比普通白米更易漲胃。因為糯米嘅澱粉全部係支鏈澱粉，經過烹煮後，糯米更加容易產生飽滯感，較難分解及消化，因此容易漲胃。
4.芋頭
芋頭雖然有通便作用，但芋頭本身含有嘅熱量較高，由於人體屬酸性，而芋頭相反係鹼性食物，產生嘅胃酸會影響腸胃功能，引致漲胃。
5.燕麥
燕麥含有豐富膳食纖維，纖維素喺腸胃當中最難被消化。當食用過多燕麥時，燕麥容易因為未被完全消化好而積喺腸道中，無法被吸收或排出體外，形成漲胃。
多加注意飲食時嘅食材，保持中庸之道，每樣食物都唔會食用過量，漲胃就唔會發生啦！
資料來源：Instagram.com
