齊齊打造糖果色之旅!

旅遊

相信糖果色系早已成為一眾女生心目中主打顏色!不但喺時裝界丶飲食界以至生活家品都大行其道,就連旅行都可以延續哩股粉色熱潮,你絕對意想唔到世界上竟然有如此多糖果色做主調嘅建築物同景點,充滿著溫柔感覺,相信大家係時候為來年假期作準備啦!

 

1)希臘聖托里尼島(Santorini, Greece)

提起希臘聖托里尼島,大家一定聯想起藍白色小屋丶愛琴海嘅景色,其實聖托里尼島上除咗有藍白小屋外,仲有一個非常吸引人嘅旅館 Pink Cave House ,旅館座落於島上最北面嘅Oia 小漁村上, 不但以糖果色設計,而且身處Pink Cave House 可以將整個無盡嘅愛琴海盡收眼簾,有機會到希臘的話不妨到粉色嘅 Pink Cave House 打卡啦!

【延伸閱讀】澳洲5大必玩項目

 

2)西班牙阿利坎特(Alicante, Spain)

位於西班牙阿利坎特海岸線上嘅小城鎮,係近年迅速成為西班牙必到景點之一。外牆以粉紅色為主,即使你唔係特別喜歡粉色都會被吸引著,此處其實屬於一個西班牙住宅項目,外形好似一座堡壘,外圍以粉紅色為主,內裡每一個區域都有不同色調,每一處都能帶俾你驚喜,而頂層更會跟天空及海洋連成同一平面呢!

【延伸閱讀】地球上最漂亮5個國家

 

3)南非開普敦(Cape Town, South Africa)

南非開普敦Signal Hill 上嘅Bo-Kaap 絕對係一個彩色世界,一走上 Signal Hill 斜坡上就會發現兩旁建築物色彩非常豐富,此處更係歷史遺跡,只要由開普敦市中心步行 10 分鐘就到,一踏入 Bo-Kaap 就會以為自己走進童話世界,再加上背後自然景色,令人樂而忘返!

【延伸閱讀】超浪漫全球5大粉紅沙灘

 

4)加勒比海庫拉索島(Curaçao, Caribbean)

庫拉索島嘅 Dutch-Caribbean Island 絕對係整個加勒比海最色彩斑斕嘅地方。因19世紀時總統 Albert Kikkert 經常被偏頭痛困擾,認為原因係當時嘅白色建築物反映出陽光所引起,所以就下令要求市民將建築物外牆塗上不同顏色,結果令Dutch-Caribbean Island 變成一個可愛嘅地方!

 

5)墨西哥墨西哥城(Mexico City, Mexico)

到墨西哥城普利茲克就必定要參觀現代主義古蹟 Cuadra SanCristóbal ,位於 Los Clubes 郊區嘅Cuadra SanCristóbal 係一個以幾何及光線配合嘅傑作,加上不同粉紅色調令整個地方更增空間感。如此特別嘅空間早已成為眾多時尚拍攝及電影場景,到墨西哥旅遊的話記得要嚟行下,感受一下空間嘅藝術。