日本京都5大必試餐館

旅遊 購物/飲食情報

大家到京都旅遊經常會去嘅清水寺、金閣寺、河原町、祇園、鴨川、先斗町、三條通、河原町、四條烏丸甚至JR車站附近,都隱藏好多隱世美食,今次小編就推介五間必試餐館,準備到京都旅遊嘅朋友要留意啦!

 

1)南禅寺 順正

地址:京都府京都市左京区南禅寺門前
京都代表料理之一湯豆腐,源自日本寺院嘅料理,後來普及到民間。數到湯豆腐最先聯想到就係呢間南禪寺順正,由於南禪寺一帶水質優良,最適合做出優質豆腐,另外,菜館嘅湯葉鍋都非常推薦!

【延伸閱讀】遊日必試!京都5間高評價和服體驗館

 

2)三嶋亭

地址:京都府京都市中京区寺町通三条下ル桜之町405
京都嘅壽喜燒名店必定非位於三條通附近嘅百年老店「三嶋亭」莫屬。餐館喺特製鍋上灑上糖霜,放入佈滿油花嘅頂級黑毛和牛,再淋上三嶋亭秘製醬油,呢份美味令好多人都念念不忘,由於使用頂級牛肉,所以價格相對較貴,如果午餐時段會有價廉物美套餐供選擇,建議事先預約。

【延伸閱讀】福岡5大人氣手信!

 

3)廣川/鰻魚屋 廣川

地址:京都府京都市右京区嵯峨天龍寺北造路町44-1
嵐山嘅名店「廣川」經常大排長龍。喺日本美食情報網站食べログ所得分數亦相當之高。日本有好多鰻魚店係使用中國、台灣、菲律賓等地進口鰻魚,而廣川則堅持使用指定產地嘅日本國產養殖鰻魚,每日送到嘅新鮮活鰻會先放於乾淨水中養一段時間,去除鰻魚嘅泥土臭味,令鰻魚肉質更上一層樓,再利用日本最高級紀州備長炭作炭火燒烤,令人一試難忘!

【延伸閱讀】日本生活百貨店5大必買好物!

 

4) 肉の匠 三芳

地址:京都府京都市東山区祇園町南側570-15
肉之匠三芳位於祇園,正如其店名所示以最新鮮最高等級嘅牛肉為主要食材,提供美味嘅肉之懷石料理,店主亦表示過時常抱著「想創造出至今前所未見嘅肉料理!」嘅想法,所以不斷地嘗試各種新挑戰,希望探索出嶄新嘅美味。大部分客人都表示從未諗過有如此美味又有創意嘅肉料理。

【延伸閱讀】韓國必試5大超市食品

 

5)都野菜賀茂 四条烏丸本店

地址:京都市下京区東洞院通綾小路下る扇酒屋町276
都野菜賀茂屬於自助餐式服務,店內有30種以上由農家直送蔬果,每樣食材都有詳細生產履歷,令人感覺十分安心,而最出名就係早餐時段,美味嘅粥、味噌湯、鮮嫩青菜、都只需490日圓,大約35港幣,實在超值!

【延伸閱讀】膽量大挑戰!來自世界各國4款奇怪零食

 

下次到京都記得唔好錯過以上五間人氣餐館啊!