隨著天氣回暖，全台灣各地嘅風鈴木已經盛開，春天除咗賞櫻外 ，其實仲有風鈴木可以欣賞，一排排嘅金色花朵盛開，無論拍照或者純欣賞都各有雅緻，如果想要趁假日出去走走，不妨參考一下全台賞風鈴木景點，計劃一個花之行程！
1）花蓮風鈴木夢幻黃金河
位於光復鄉與瑞穗鄉交界附近嘅百年水圳「興泉圳」，三月正式進入花期，倒映於水圳上嘅鮮艷風鈴木，令整個水圳猶如黃金河一樣，加上今年氣候令整個花鈴木盛開得更加茂盛，如果想欣賞黃金河嘅美景，一定要去花蓮參觀一下。
2）台中黃金公園
台中可以算係風鈴木大本營，幾乎每處都可以見到風鈴木盛開，其中黃金公園更係台中著名景點，不但可以俾一家大細一齊玩樂，而且可以賞花，有機會一定要去欣賞一下。
3）南投草屯金黃色夢幻小徑
南投除咗賞櫻之外，亦能賞美麗風鈴木，位於南投縣草屯鎮石川里石川路就係一個祕密景點，如果唔想去台中怕人多，可以轉往草屯欣賞哩個祕密嘅黃金色景點。
4）彰化4公里風鈴木大道
台灣中部想要賞風鈴木，可以去草屯附近嘅芬園，有一條四公里嘅風鈴木大道，風鈴木剛好呼應兩旁嘅稻田，每當初春就會綻放黃色花朵，相當迷人。
5）雲林充滿書香氣息風鈴木
雲林科技大學操場後面有一大片風鈴木，每到花期都會有好多學生去拍照，喺大學裡面除咗賞花之外，亦可以到附近行下或者到斗六棒球場賞花，而且學校附近都會有價廉物美嘅美食。
以上景色都屬於季節限定，春季到台灣旅遊嘅朋友絕對機不可失！
