飛機上買免税品5個小貼士

旅遊

每逢出國旅行,必定會把握機會大買特買,好多人一上飛機已經忍唔住要開始血拚,翻閲飛機上免稅品雜誌購買免稅品,因為感覺比機場內逛免税店更方便。有見及此,今次小編就分享一下飛機上買免稅品小貼士,大家可以提早做好凖備攻略,掌握優惠秘訣,買得聰明又輕鬆!

 

1)揀選商品

大部分航空公司都會將免稅品雜誌放喺座位前,大概每兩個月就會更換新雜誌,內容除咗有名牌商品及長銷商品外,亦會出現期間限定商品,所以每次搭飛機可以買到嘅商品都有所不同,出發前記得先搜索資料,就可買到特色商品啦!

【延伸閱讀】飛機餐知多少?

 

2)上機前比價

如果要喺機上購物時有所收穫,提前了解航空公司推出嘅免稅商品十分重要!相同嘅免稅品於不同航空公司嘅價位都有差異,差價甚至多達幾百元,所以先比價就可買得划算。

【延伸閱讀】認識5個飛機上冷知識

 

3)買唔到想要商品

喺飛機上買免稅品未必一定成功買到心頭好,有時因為時間不足或數量不夠。由於飛機嘅承重及空間都有限制,大部分商品可能只會放少量,所以留意係先買先得!

【延伸閱讀】空中服務員教你5個關於行李箱小知識

 

4)付現金還是信用卡?

因為商品計費基礎係固定,所以其實用邊種幣別付款差異不大,只係考慮到飛機上零錢有限,付現金可能會有零錢不夠找續嘅問題,如果唔想因為找錢變得麻煩,建議用信用卡方式付款。另外,亦要留意所持信用卡購買時是否需付額外手續費。

 

 

5)把握折扣季

如果想買到便宜免稅品,就好好留意一下出國時有無遇上航空公司嘅折扣季。基本上過年丶聖誕節丶母親節丶父親節丶週年慶等,各大航空公司都有相關折扣,至於其他時間,建議各位可以先到航空公司網站查詢一下。

只要好好善用以上幾個購買免稅品小秘訣,可能一不小心就慳到錢又買到心頭好啦!