5個鮮為人知動物小秘密!

編輯推介

世界多大,無奇不有,每種動物都各有自己特性丶生活習慣,要對每一種動物都有徹底認識根本無可能,小編今次發掘五種動物比較有趣嘅特性,大家睇完都可能會覺得匪夷所思呢!

 

1)樹懶

樹懶每星期只會下樹一次,目的為上廁所,樹懶動作極度遲緩,經常都待於樹上,平地活動對樹懶嚟講相當危險,因為會對掠食者暴露自己行蹤,直至現時為止,無人能解釋點解樹懶要冒險下樹,而不選擇直接係樹上解決。

 

 

2)奇異鳥

羅柏森博士曾經錄低雄性奇異鳥叫聲,然後係佢哋活動範圍內播放,藉此吸引其他奇異鳥前來一探究竟,然後落入圈套,而被騙嘅奇異鳥被釋放後就不再中計,而且接下來5年都會一直迴避曾經播放假鳥叫聲嘅區域,所以奇異鳥其實非常記仇的!

 

 

3)長頸鹿

長頸鹿寶寶一出世就由接近2公尺高處掉落地面 ,因為長頸鹿會站立著分娩,表示長頸鹿寶寶與世界第一次接觸係以臉部撞擊地下,另外初生長頸鹿出世後1小時就能夠自行站立,係比較特別嘅一種動物。

 

 

4)狗

電視係專為人嘅眼睛及大腦而設計,每秒放映足夠數量嘅畫面,令大家以為自己睇緊連動影片。對狗嚟講其實睇唔明,除非電視有氣味,否則狗隻唔會感興趣!

 

 

5)鯨魚

1989年北太平洋出現一頭鬚鯨唱歌,歌聲嘅頻率比其他鯨魚高,其他鯨魚根本無法偵測到佢嘅聲音,因而令遷徙路線與其他同類不同,所以無喺路上遇到其他鯨魚。所以唱歌走音嘅鯨魚會令自己喺海洋中迷路。

【延伸閱讀】想更了解女人嗎?5個有關女人冷知識

 

資料來源:遠流出版《是我讓你傷心了嗎?》