立即化身雕塑家!最新日本人氣3D memo紙

編輯推介

一眾喺辦公室返工嘅朋友,枱頭都必定常備memo紙,方便記錄工作上大小事務提醒自己,但有無諗過可以利用平平無奇嘅memo雕塑出活靈活現嘅物件甚至建築物呢?最近喺日本推出咗一系列立體memo,用家只要慢慢遂張撕走,最後memo就會呈現出超緻又立體嘅小驚喜,令你輕易成為一位紙張雕塑家!

 

  1. 超複雜創作

一張又一張嘅memo用完之後,整座建築物就建設完成!造工切割都非常考心思,將每一層瓦頂層次分明而且清晰地展現,簡直無辨法想像到係由一曡memo演變出嚟!

 

  1. 別具紀念價值

立體memo系列中亦有唔少由日本著名景點為藍本,而創作嘅各個地標建築,可以作為旅遊完日本嘅紀念品,勾起你一段段回憶。

 

  1. 像真度極高樂器

系列面都包含唔少音樂樂器,鋼琴哩一款尤其出色,不單止外觀同真實鋼琴一樣,甚至內部構造都像真度極高!送俾愛音樂嘅朋友就最好不過啦!

 

 

  1. 一比一實物創作

對於哩種同實以相同比例展現嘅立體memo,感覺都非常有趣,好適合OL放係辨公桌上面做小擺設,為沉悶嘅工作環境增添一點點趣味。

【延伸閱讀】超現實主義-「小人國」玩味婚照

 

  1. 日本風圖像

設計師對人像構圖亦非常出色,一系列由人物做主題嘅立體memo,感覺有啲似睇緊一套日本文化嘅影片,作為家居小裝飾都唔錯。

【延伸閱讀】韓風吹襲紋身界,5個低調型格「文青圖騰」

 

小小驚喜為生活添趣味,哩款立體memo絕對發揮到作用,既實用又美觀,的確值得收藏。

 

 

資料來源:

Instagram.com/triad_icn