泰國5大清優秘境

旅遊 編輯推介

泰國熱門旅遊點除咗曼谷之外,其實仲有好多歷史遺蹟景點丶充滿著不同感覺嘅渡假勝地,可以體驗有別於大城市,休閒丶幽靜丶避開人群嘅地方,體驗泰國各地不同文化,以下就整合五處偏門地方全攻略,相信大家都可以搵到最適合自己嘅天堂!

 

1)清萊 Chiang Rai

交通:曼谷轉搭國內線飛機至清邁,再從清邁至Arcade Bus Station Terminal 3搭乘Green Bus直達清萊

泰國最北端城市清萊,比一般城市相對幽靜,擁有悠閒慢活嘅生活模式,適合想要遠離煩囂嘅遊客,加上清萊豐富獨特嘅泰北文化,成為兼具放鬆身心及沉浸於泰北歷史嘅好去處。

【延伸閱讀】大推5款來自泰國藥妝店產品!

 

2)清邁 Chiang Mai

交通:曼谷轉搭國內線飛機至清邁國際機場

有泰北玫瑰之稱嘅清邁,係泰北政治經濟中心,亦係一座具歷史文化意義嘅城市,到處都有歷史建築,包括柴迪隆寺丶帕邢寺等,市區中亦有好多夜市,又有全球最大夜間動物園,絕對係休閒文化兼具嘅多功能城市。

【延伸閱讀】澳洲5大必玩項目

 

3)拜縣 Pai

交通:可以搭乘Aya Service巴士從清邁前往,有提供至飯店接駁服務

拜縣係一座四面環山嘅世外桃源,雖然無特別景點,但就有份純淨悠閒嘅氛圍,足以吸引喜愛慢活嘅旅客,如果想逃離塵世干擾,享受悠閒恬靜生活,到拜縣絕對係首選!

【延伸閱讀】必遊首爾5大限定夜市!

 

4)芭達雅 Pattaya

交通:從曼谷Ekkamai Bus Terminal搭乘往芭達雅巴士

泰國玩樂天堂嘅芭達雅,聚集所有休閒娛樂設施丶酒吧丶夜店丶海邊活動,甚至連紅燈區都有,係泰國觀光最興盛地方之一,芭達雅又有好多不同表演,其中最出名就係蒂芬妮人妖秀,絢麗舞台加上妖豔人妖,成為芭達雅不能錯過嘅特色表演!

【延伸閱讀】齊齊打造糖果色之旅!

 

5)羅永 Rayong

交通:到曼谷Ekkamai東站搭乘至羅永巴士

羅永係著名嘅水果岀產地,亦係重要嘅港口,所以有機會到羅永一定要嘗試美味嘅海鮮丶魚醬及時令水果。此外,遊客亦可享受空無一人丶連綿純淨嘅沙灘,以上因素造就羅永成為一個不為人知嘅天堂祕境。

【延伸閱讀】日本京都5大必試餐館