經常旅遊嘅朋友可能覺得好多風景都睇過影過，開始想尋找旅遊新景點，咁就要探探台灣一系列特色迷宮啦！無論係睇到飛機飛過頭頂嘅超夢幻迷宮丶或是用玻璃打造再搭配各種燈光變換嘅迷宮，都係小編超級推薦嘅必遊景點！今日就介紹一下全台五個不但風景怡人，而且人氣超高嘅迷宮，保證令你樂而忘返！
1）台北花博新生公園
地址：台北市中山區新生北路三段105號
圓山花博共有三個大公園，包括有圓山公園、美術公園及新生公園，隨便一處都可以拍出超美照片，其中最有人氣嘅就係有草叢迷宮嘅新生公園。迷宮最特別係不定時會有飛機飛過頭頂，不少人為抓住機會，會花上一整日時間等待呢！
2）富貴角公園之老梅迷宮
地址：新北市石門區楓林路27號
老梅迷宮係用紅色磚牆以堆疊方式環狀圍繞而成，好似有著某種意義嘅圖騰，不但帶有濃濃中國風，而且㪚發著神秘感，令不少人專程為拍照而來。
3）台灣玻璃館
地址：彰化縣鹿港鎮鹿工南四路30號
鹿港非常有名嘅觀光景點台灣玻璃館，不但可以欣賞玻璃技術品以及全台唯一嘅玻璃媽祖廟，最不能錯過就係由玻璃鏡面打造而成嘅黃金隧道迷宮，藉著折射效果與光影互相配合，打造一個神奇嘅幻境世界，非常迷幻！
4）探索.迷宮歐式莊園
地址：彰化縣和美鎮東谷路47-75號
彰化有一處非常人氣嘅迷宮，結合觀光丶休憩丶餐廳與婚禮嘅綜合園區，稱為探索.迷宮歐式莊園。迷宮被隨陽光照射，同時感被花草樹木包圍，不少情侶或新人都鎖定要到此拍出超浪漫嘅美照！
5）國立台灣史前文化博物館
地址：台東縣台東市博物館路1號
被稱為台灣版迷你移動迷宮，位處台東國立台灣史前文化博物館嘅石牆迷宮，每個轉角都藏有各種小驚喜，拍出嘅每張照片彷佛將你拉回史前時代一樣，所以一直成為台東人氣景點之一。
資料來源：Instagram.com
