由於近幾年運動風席捲時裝界，波鞋就成為時尚必需品，即使穿裙都要配上一對運動鞋先稱得上追上潮流！今次小編就為大家盤點一下五對易襯又耐看耐著嘅經典必儲波鞋，未知你擁有當中幾多款呢？
1）Converse all star
要數到帆布鞋必定第一時間聯想到Converse All Star，呢款機乎係每個人嘅青春回憶，款式經典又簡單，而且百看不厭，就係有種永垂不朽嘅魅力！
2）Puma suede shoes
Puma suede shoes堪稱PUMA 品牌中最經典嘅代表鞋款，以舒適嘅皮革用料及充滿復古感覺嘅用色，令呢對實而不華嘅麖皮波鞋，一直都有不少支持者。
3）Reebok classic club c
Club C屬於1985年誕生嘅網球運動鞋，設計經典簡約，被公認為Reebok Classic 旗下最經典嘅鞋款，一生應該最少擁有一對吧！
4）Adidas originals superstar
adidas經典款式SuperStar，已經有45年歷史，而橡膠鞋頭及鞋身嘅三間更係標誌象徵，早年更加一次過推出50種顏色嘅聯乘系列，令大家可以挑選自己喜歡嘅色調。
5）Nike classic Cortez
Nike cortez又被稱為阿甘鞋，雖然近年推出多個復刻款，但紅白藍配色絕對係經典中嘅經典，相信係好多人心目中最經典嘅選擇。
【延伸閱讀】今季大熱「Dad Sneakers」該怎樣搭配？
經過上述介紹之後，對於一眾想追上潮流嘅小資女嚟講，揀一對長青又百搭嘅波鞋應該無難道啦！
