推介5大名牌網購平台

購物/飲食情報

隨著夏天來臨,最近各大品牌已經紛紛推出2018春夏系列,當中不乏簡潔易襯丶高雅經典嘅服飾。然而,國際級品牌所推出嘅商品絕對有一定質素保證,所以女生們都傾向追捧,加上現今科技發達,方便得到最新資訊,驅使我哋走入網購大世界!以下五個名牌網購平台都係近年人氣之選,各位又要準備大出血啦!

 

1)Reebonz

Reebonz係亞洲最大型丶最有信譽嘅名牌購物網站之一,近年喺香港都極具人氣,平台上可以購入全新或二手單品,二手單品會有專員驗證並列出質素級別。此外,亦設有Reebonz Closet提供一個完善嘅平台方便買賣雙方溝通及交易, Reebonz會安排付款及免費運送,非常貼心,但使用時要留意賣家寄賣需要付單品確認售出後價格中10%手續費。

【延伸閱讀】齊學網購服飾5大免中伏秘技!

 

2)Collector Square

法國名牌古董購物網Collector Square於巴黎第六區設有實體陳列館,每件單品都經過巴黎拍賣行嘅專家鑑定,網上落單後貨品就會於24小時內由巴黎直接寄到香港,既可靠又快捷方便。Collector Square上大部分飾品都為高級復古首飾,價格較高,但相對較稀有及珍貴。

【延伸閱讀】時裝週告訴你今季5大時尚元素

 

3)Farfetch

英國大型購物網站Farfetch匯聚2000多個品牌,不少為國際一線名牌,貨品分別由法國丶意大利丶美國等地寄出,更會不定時推出免運費優惠。網站上嘅單品較其他網站豐富,價錢亦相對親民。

【延伸閱讀】每個女生都應該要有一個Chain Bag!

 

4)Qoo

港星潮人們熱捧嘅日本名牌Vintage專賣店Vintage Brand Shop Qoo,主攻Chanel Vintage手袋,近年更於銅鑼灣開設海外分店打入香港市場。網站資料齊備,可以清楚知道製造地丶製造年份及貨品質量。運費方面為¥2000即大約港幣$140,價格相宜。

【延伸閱讀】嚴選5款大熱「Camera Bag」

 

5)shopbop

Shopbop係美國Amazon旗下嘅輕奢購物網站,主攻中上價錢品牌單品,衣飾丶鞋履樣樣倶全,而且國際免運費。網站亦代理一家來自紐約嘅二手名牌為What Goes Around Comes Around,當中以Chanel飾物及手袋最多,還有Hermes丶Louis Vuitton丶Dior等品牌單品。

有時實體店買唔到嘅款式,網購商店可能幫到手,甚至有歷史丶有故事嘅古董單品都會搵到,所以唔買都值得睇下啦!