農曆新年假期即將來臨，中國傳統習俗都是要穿得大紅大紫，希望一年可以好運齊來！如果唔鍾意由外衣到內衣都要紅，不妨考慮一下買一個紅色銀包，可以為一身裝扮帶來亮點，亦相當有新年氣氛，如果有興趣購買嘅朋友可以參考以下小編為大家精心挑選嘅五款招財進寶紅包包。
1. Versace
如果你喜歡長銀包，呢款就適合你啦！簡潔利落嘅大紅色皮革配上精緻開合扣，內部屬於摺疊式間隔，非常實用。
2. Valentino
Valentino標誌性嘅鉚釘設計一向給予人型格嘅感覺，而且今次手提包更配上短鏈，更加方便攜帶，所以話大紅色唔一定等於老土，呢款小提包一定令你對紅色大大改觀。
3. Gucci
假若你係短銀包一族，咁就唔好錯過Gucci呢款小版紅銀包，不單止尺寸獨特，設計上使用金色扣飾，非常搶眼，適合一眾喜歡小巧玲瓏設計嘅朋友。
4. Michael Kors
少女們萬勿錯過呢款別具青春氣息嘅手提長銀包，既實用又美觀，以金屬小花配上紅色皮革，取其名花開富貴，非常好意頭，拜年用就最啱啦！
5. Prada
想要一個霸氣感十足嘅紅色銀包，非哩個Prada莫屬，銀包以帶有中國色彩嘅金屬鑲邊配金屬開合扣，銀包背面亦有Prada 傳統標誌，別具氣派，的確值得收藏。
想新一年行大運，招財又進寶，就快啲為自己添一個大紅色銀包，沖旺一下運氣啦！
