年廿八必睇,洗滌寒衣5大法!

全城熱話

冬天禦寒衣物的確有好多,例如:毛帽丶圍巾丶針織毛衣丶羽絨等等,每年天氣驟降就要準備一大堆衣物,但其實防寒衣物絕對可以重複使用三四年都依然歷久常新,只要利用正確洗滌方法,即使容易受損嘅衣物都可以好似新嘅一樣長長久久穿下去呢!

 

方法1)選擇正確洗衣用品

洗針織衫時務必使用毛織品專用或中性洗衣粉,並用手洗,一旦用錯洗衣用品會造成針織衣褪色或縮水等情況。另外,經常產生靜電嘅針織毛衣,因為材質特性關係,所以使用含有纖維柔軟劑成分嘅洗衣用品會比較合適。

【延伸閱讀】7個女生經常忽略的地方

 

方法2)洗衣水應保持30-35度

若果水溫超過35度,就會令衣服纖維縮水或變硬。另外,為防止衣服起毛球,喺洗滌時要記得將衣服底面反轉。而針織衣因為會拉長嘅關係,所以洗完之後應用毛巾將衣服包起,並用拍打方式將殘留喺衣服上嘅水氣除去。

【延伸閱讀】5個有效的讀書心得

 

方法3)使用蒸氣熨斗

當衣服乾透之後,可能有輕微摺皺變形,只要掛起衣服,用蒸氣熨斗熨平就會令衣服立即回復原狀,好似新買一樣。使用蒸氣熨斗比用舊式家居熨斗效果更好,因為可以避免產生熨痕。

【延伸閱讀】溝通技巧

 

方法4)常備除毛球機

準備一個除毛球機,就可以係必要時隨時使用。但若喺凹凸不平嘅地方使用,會有機會令衣服脫線,所以要特別注意,所以使用時應將起毛球嘅針織毛衣鋪平,然後用毛球機,再配合剪刀修剪一下。

 

方法5)不應乾洗羽絨服

由於洗衣店利用乾洗嘅方式洗羽絨衣,會因為乾洗劑關係,而導致羽絨中嘅油分消失或變得易碎,而最大問題係會令羽絨保溫功能降低。無論係鴨絨衣或鵝絨衣,用手水洗都比較好,可有助於延長羽絨保溫功能及壽命。

其實洗滌每一件衣服之前,都應該留意衣服內洗水標提示,使用正確嘅洗衣方法,衣服自然可以歷久上常新啦!

 

資料來源:

尖端出版 《家事聖經:142種清掃×收納×洗滌×布置小絕招》