2018春夏最新染髮指南

博客

香港人一直以來都深受日本潮流造型影響,尤其髮色髮型方面,簡直係大家嘅靈感來源,今次就整合咗2018年初春日本最新丶最火熱嘅髮色,當中部分顏色更非常適合上班一族,一齊睇睇以下日本2018染髮指南啦!

 

1)紅褐色

如果覺得啡色太保守,不妨嘗試一下有紅色調嘅啡色,紅褐色不但特別,如果你皮膚白皙會顯得更白,如果你屬於健康膚色就更顯膚色。

【延伸閱讀】染髮寶寶要留意!今年染甚麼顏色最潮?

 

2)煙燻大理石

帶有霧感嘅灰調髮色,髮根深髮尾淺嘅漸變效果,再加上有如拉花般嘅日式挑染,整個髮色有著不同明暗色調,深淺花紋交織就似夢幻大理石一樣。

【延伸閱讀】2018最新流行色「Baby Light」瞬間變成混血女神

 

3)虎眼石髮色

虎眼石髮色靈感源於虎眼石,主要以深咖啡色為底調,再挑染上焦糖色丶琥珀色丶蜜糖金色等不同深淺棕色調。因為採用挑染效果,頭髮呈現出漸層髮色。

【延伸閱讀】根據5大臉型找出合適鮑伯頭

 

4)灰杏色

灰色近兩年都係大熱髮色之一,但唔少人怕要漂或怕太淺色而放棄,或者可以嘗試灰杏色。灰杏色自然又有透明感,有一種神秘又時尚感覺。

【延伸閱讀】今年最潮髮型-瀏海

 

5)朱古力色

朱古力色曾經都係大熱色,但近年都被淺髮色蓋過風頭,2018終於再次回歸,任何膚色嘅女生都可以駕馭得到朱古力色,而且四季都適合,唔使怕季節轉換又要轉髮色。

要有完美造型,除咗有一身潮流裝扮,更要配合時尚髮色髮型,先稱得上「由頭型到落腳」呀!

【延伸閱讀】嚴選5款平價無矽洗髮護頭水!