2018春夏展開格紋世界!

博客

格紋唔一定冬天先至流行,嚟到2018年春夏依然係格紋嘅天下!有人認為穿著格紋衣飾可能感到老氣,但其實只要搭配適宜,掌握穿搭技巧,就可以輕易變成時尚達人!

 

1)格紋上衣

簡約格紋上衣只要搭配牛仔褲就能輕鬆完成春裝打扮。而立領格紋衫搭配風衣外套則可展現帥氣。另外,立領襯衫與針織衫等多層次穿搭法,只需搭配不同打底衫就可展現各種風格。

【延伸閱讀】今季大熱「Dad Sneakers」該怎樣搭配?

 

2)格紋下裝

長裙版型俾人一種穩重感,可以營造成熟風格,而淺咖啡格紋都好有春天氣息,搭配中高領上衣更能穿出女人味。舒適版型嘅長裙可嘗試搭配條紋皮帶,令格紋與線條組合意外地互相輝影。

【延伸閱讀】西部牛仔熱潮突襲時裝界!

 

3)格紋連身裙

長版格紋連身裙,除咗配上牛仔外套嘅輕便穿搭,亦可搭配皮革外套展現帥氣感覺。而高腰連身裙就能提升時尚感,簡單一件俐落感十足又休閒嘅連身裙再搭配皮帶的話可以令時尚感加倍呢!

【延伸閱讀】不能錯過2018大流行:薰衣草色系

 

4)格紋外套

西裝外套最適合春天外出穿搭,可以配俐落長褲,或者搭配黑色成熟連身裙都好合適,而皺褶袖口風衣外套經常令人覺得難搭配,咁可以選擇單色調格紋,無論咩類型單品都好百搭,非常推薦!

【延伸閱讀】一生人不能錯過的5對經典波鞋

 

5)格紋配飾

成熟又可愛嘅格紋,平時穿搭裡加上格紋單品,都可以展現春天流行穿搭,例如:格紋帽子丶格紋小手袋或格紋襪子等,都可以低調地展現潮流,適合鍾情簡約美一族呢!

【延伸閱讀】嚴選5款大熱「Camera Bag」

 

要趕上春天潮流,就快啲入手一兩件格紋單品,齊齊展現春天少女味啦!