2018大熱復古風,5樣必備單品

博客

復古熱潮一直未有減退!踏入2018年更喺打得火熱,各種各樣懷舊復古單品陸續回歸時裝界,以下為大家推薦五樣懷舊單品,從中可以吸取不少打扮靈感呢!

 

1)高領針織毛衣

秋冬季節一定少不免入手一兩件高領毛衣,既可以保暖又有懷舊感覺,如果作為內襯衫又可以增加層次,而且高領設計可以間接有瘦面效果,簡直一物多用!

【延伸閱讀】2018春夏展開格紋世界!

 

2)漁夫帽

漁夫帽絕對係跟隨復古風強勢回歸嘅單品!適合休閑時尚打扮,各日韓街拍達人已經紛紛演繹利用漁夫帽配搭裝扮,預計即將成為街頭大熱單品!

【延伸閱讀】西部牛仔熱潮突襲時裝界!

 

3)長靴

長靴並非高挑女生嘅專利!只要配搭得宜,嬌小女生都可以利用長靴改善身形比例,另外,如果將長靴藏喺褲管內,再將褲腳捲起,又可以變成另一種穿搭方法,非常百搭。

【延伸閱讀】今季大熱「Dad Sneakers」該怎樣搭配?

 

4)斜揹袋

斜揹袋絕對係復古又百搭嘅單品,無論配襯型格或優雅服飾都一樣冇問題!如果覺得斜揹袋太普通,咁可以選擇毛毛皮草款式,揹上後會好似一件裝飾品,時尚感十足。

【延伸閱讀】統計5款男生最愛的女生造型

 

5)小巧太陽鏡

過往幾年流行巨型鏡片嘅太陽眼鏡,但踏入2018年,可以將佢哋通通收起!因為小鏡太陽眼鏡將會大流行,配合任何衣著都充滿復古味,係今年必定要入手嘅單品。

【延伸閱讀】一生人不能錯過的5對經典波鞋

 

經過上述推介之後,相信大家都清楚今年嘅購物清單啦!