驅走濕重症5大法

博客

都市人經常喺室內吹冷氣或者飲凍飲,但中醫一般認為只會令體內熱氣散唔走,滯留內臟中,體內濕氣變重,引致食慾不振丶手腳冰冷。今次就介紹五款祛濕食物幫助改善濕重症。

 

1)赤小豆

赤小豆外型與紅豆相似,但較細長,味甘偏涼,能夠健脾利水丶解毒消腫,尤其適合肥胖型水腫及腸脹腹瀉人士。

【延伸閱讀】6種女人必吃的食物

 

2)生薑加紅茶

生薑中嫩薑較老薑溫和,唔會熱氣,利濕效果亦比老薑好。薑可以驅寒氣並透過出汗去濕。特別適合寒底嘅女生丶鍾意飲冰飲人士及體內寒濕嘅人。

【延伸閱讀】介紹5大護眼營養素

 

3)綠豆

屬性涼而且味甘,可清熱解毒丶消暑丶止渴健胃等。除煮綠豆糖水之外,亦可將綠豆加入主食中,例如煮米食加入米量十分之一嘅綠豆,增加米飯口感同時做到去濕效果。

【延伸閱讀】5大食物成份嚇你一驚!

 

4)栗米鬚

栗米粒其實濕熱,但栗米鬚丶栗米皮丶粟米心就有利尿清熱及消暑祛濕功效,屬於性味甘平,而且健脾開胃食品,適合痛風丶糖尿病患者丶小便偏黃人士。

【延伸閱讀】想瘦?必先戒掉5樣食物!

 

5)薏米

生薏米可消腫及清熱排膿, 持續使用更可輕身益氣。適合脾虛泄瀉丶水腫風濕人士,但怕肥嘅朋友要注意,因為薏仁係澱粉,煮好嘅薏仁水只飲水就好,而體質虛寒嘅人一星期使用一至兩次就足夠。

【延伸閱讀】小心5大偽健康食品!

其實袪濕仲有另一方法,就係排汗,所以都可以透過運動過程中出汗,加速新陳代謝,有助減輕因潮濕天氣引起嘅濕重症狀。

以上資料只供參考,如有疑問,請向家庭醫生或營養師查詢。