結婚絕對喺每個人踏入人生新階段嘅象徵，為咗留住哩段美好時光，唔少得要影一輯難忘婚照，而市場上大部分婚紗攝影主打浪漫丶優雅。小編今次想介紹一位比較另類嘅泰國攝影師，佢擅長利用合成及後期加工再配合有趣創作，將新人們帶到「小人國」嘅世界拍出極具玩味又富幽默感嘅婚照。
-
巨型婚戒：
攝影師巧妙地放大婚戒，同時將一對新人縮放成小人國嘅人民，整體構圖令幸福感大增！
-
非一般姿體動作：
利用對焦效果，再配合攝影師創作及後期剪接，令新人們呈現超高難度動作，優美中帶點幽默！
-
掌握大小比例：
對比感極強嘅構思，只要縮放其中一位新人，立即變成小人國人民遇上大人國情人一樣，非常有趣。
-
縮放倒影效果：
攝影師後期美術效果將將倒影自然浮現於水面上，一對被縮小嘅新人好似喺草叢溪澗裡面二人世界，相當浪漫！
-
與寵物一同見証：
好多人都將自己嘅寵物當成屋企一份子，攝影師正正明白到客人需求，將寵物都加入到婚照中，並且縮小新人們，幽默感十足，究竟邊個先係主人呢？
如果想要一輯與別不同丶別樹一格嘅婚照可以考慮一下哩種「小人國」構思，相信將來睇返大家都會懀心微笑。
資料來源：
Instagram.com/ekkachaisaelow
