如果你經常坐立不安又成日腰酸背痛，成因可能有好多種，例如：站立姿勢丶坐姿丶睡姿不正確等等，如果想改善背部健康，並唔係休息就足夠。德國骨科醫學博士 馬丁馬力安諾維奇就提出簡單嘅走路及平躺方法可以治療背痛，放鬆繃緊肌肉，以下就係博士指出嘅5大好處：
1.步行更勝跑步踩單車
走路被喻為最好嘅運動，因為走路會運用到四肢，就好似四輪驅動一樣，可以用到全身90%肌肉組織，相比其他運動，例如：踩單車只會運動到35%肌肉，而慢跑則只會用到70%肌肉，所以平日應該多爭取步行嘅機會。
2.步行改善身體結構
因為走路時可以支撐起全身肌肉，甚至可以調整整個身體姿勢。除此之外，亦可以加速血液循環，減緩身體緊繃，多走路又會增強骨質密度與強度，從而強化肌肉支撐承受力
3.急步加快治癒背痛
以正常步速走路已經可以治療背部不適，若加快速度急走，則更有幫助！快走應注意抬頭挺胸收腹，而肩膀要放鬆，手臂呈90度彎曲，雙腿稍為打開，就可以達到加快治癒背痛嘅效果。
4.多走路壽命更長
根據澳洲雪梨康科爾醫院一項長期研究，記錄1705位以上70歲左右男士，觀察咗5年，係5年過程中，經常走路嘅研究對象，相對平均壽命比較長，所以走路不單止有助緩解背痛，壽命都有所增長。
5.平躺有益
除咗走路之外，骨科權威亦建議每日應養成15-20分鐘「平躺」習慣。步驟先將全身放鬆大字形平躺床上或地毯上，感受每一個接觸點：大腦、肩膊、左右手臂、手背、、盤骨、雙腳。再緊繃每個接觸到地面嘅部位，可以持續緊繃4秒然後放鬆，感覺好似海浪喺身體中流動。從而放鬆背部肌肉。
隨著時代進步，現代化嘅交通工具促使人類坐多過行。大家應該從此養成多步行丶常平躺嘅習慣，避免再出現腰酸背痛問題啦！
