現今女性不論任何年齡層，都對護膚品丶化妝品相當熟悉，機乎係每日都會接觸到，但各位女生對於各類型美妝護膚用品使用方式究竟係米正確呢？我哋一齊睇睇專業化妝師指出嘅5大化妝犯錯位，回想一下自己會唔會都踩中地雷呢？
-
用力擠壓將近用完底妝
相信各位知慳識儉嘅女生都希望將底妝用品用到最後一滴，所以往往對將近用到空瓶嘅底妝都會用力擠壓，但化妝師指出咁做係大錯特錯！因為當大力擠壓時將空氣都壓入瓶內，因而會加快底妝氧化變質。
-
不適當光線下化妝
專業化妝師指出只有喺自然光下化妝，妝容顔色先可以準確而清晰地呈現，從而化出最佳妝容效果。
-
省略隔離霜
由於市場上大部分化妝品都含有不同化學物質，有機會對皮膚造成不同程度損害，所以每次上妝前都應該使用隔離霜，即使化眼妝都應先用眼部打底霜，徹底保護肌膚。
-
使用手背測試粉底顏色
購買粉底時，想選擇正確適合自己嘅色號應該喺臉上測試，唔應該用手背試色，因為手背皮膚膚色同膚質與面部皮膚都唔一樣，咁做好容易買錯粉底顏色。
-
無定時清洗化妝掃
當長時間無清洗化妝掃，就會令細菌滋生，污染彩妝用品，而且感染皮膚，後果可以好嚴重，所以女生們應該養成定時清潔化妝掃嘅習慣。
唔知各位會唔會都有以上嘅化妝壞習慣呢？如果有就要快啲戒甩佢啦！咁先可以擁有美麗又健康嘅妝容。
圖：網上圖片
