想更了解女人嗎?5個有關女人冷知識

博客

女人丶男人根本就屬於不同世界嘅生物, 無論係身體結構以至思維模式都大有不同,所以往往相處之間或多或少都會出現磨擦。如果想更了解自己或者另一半,不妨閱讀一下以下五個關於女性嘅冷知識啦!

 

1.女人擅長解讀面部表情

劍橋大學教授Simon Baron-Cohen硏究發現女人普遍比男人擅長解讀面部表情,由於女性更擅於解讀面部表情、手勢及語調,所以令女人較男人更易成為優秀嘅溝通者及社交領袖。

【延伸閱讀】5種惹人愛的女友特質

 

2.嗅覺比男人敏鋭

根據一項費城莫內爾化學識別中心研究顯示,女人較男人擁有更敏銳嗅覺,研究人員Charles Wysocki解釋,以上情況係因為遠古時代,女性主要做採集工作,負責為家庭挑選適合嘅食物,嗅覺就係其中一個判別食物嘅工具,因而擁有更敏銳嘅嗅覺。

【延伸閱讀】男生必學,5種哄女生的方法

 

3.討厭冒險

女人唔鍾意冒險其實係有科學根據。因為人體大腦嘅前扣帶迴係負責做決定,而腦神經學家研究發現,女性的前扣帶迴大多比男性大,意味女性做決定前總會比男性更思前想後,唔會隨便冒險!

【延伸閱讀】5句話立即令女友憤怒

 

4.對酒精抵抗能力低

美國德州大學曾經對此作出研究,研究顯示,女人對酒精嘅抵抗力較低,更容易患上肝炎,亦較容易死於肝硬化。另外,研究顯示女人容易因喪失精神功能而遭受酒精造成腦損傷。所以如果有飲酒習慣嘅女性要格外留心!

【延伸閱讀】男士們注意!最常女生分手原因頭5位!

 

5.女人能分辨更多顏色

布魯克林學院行為神經學家Abramov曾對男女分辨顏色差異進行研究,實驗中,面對光譜顏色時,女人喺色調、飽和度丶光暗度上表現都比男人敏感,研究結果更指出女人平均比男人更能分辨多20%顏色

【延伸閱讀】究竟幾時係女性最佳適婚年齡?

 

以上五點作為女性都可能未必知道,男士們不妨跟另一半分享一下,令女生更感體貼呢!

資料來源:Facebook.com