今年最潮髮型-瀏海

博客

熟悉潮流嘅你,相信一定知道瀏海造型不單止有減齡效果,而且喺今年髮型界大放異彩,無論長髮短髮都同樣流行,如果你仲未搵到適合自己嘅瀏海造型,可以睇睇以下五款來自各大品牌時裝周上模特兒嘅瀏海髮型示範,應該可以得到唔少靈感。

 

1. 空氣瀏海

唔使多講,大家都知道近年來空氣瀏海風由韓國席捲全球,甚至世界級品牌時裝週上,都利用空氣感瀏海作造型,絕對係最容易駕馭嘅一種髮型。

【延伸閱讀】染髮寶寶要留意!今年染甚麼顏色最潮?

 

2. 搶眼髮色

往年秋冬季亦有預告鴛鴦髮色將會大行其道,不少韓國明星已經紛紛染上一頭鴛鴦髮色,如果想喺簡單嘅眉上瀏海再加強玩味,不妨參考一下,定必耳目

【延伸閱讀】2018最新流行色「Baby Light」瞬間變成混血女神

 

3. 自然捲曲

如果擁有一頭曲髮嘅朋友,可以試試留一個捲曲瀏海,就好似椰菜娃娃一樣有點凌亂,散發着一種不羈自然美,好有style而且不失女人味。

【延伸閱讀】韓風吹襲紋身界,5個低調型格「文青圖騰」

 

4. 尖型瀏海

顧名思義就係將額前瀏海剪成碎碎尖尖,老實講呢款劉海唔係人人都可以輕易駕馭得到,如果你屬於鍾意中性打扮又勇於嘗試新造型,即管試一試,應該可以變成一個日本小男孩呢!

【延伸閱讀】不能錯過2018大流行:薰衣草色系

 

5.半額瀏海

如果你唔鍾意眉上瀏海,另一個唔錯嘅選擇就係半額瀏海,有啲鄰家女孩感覺,但改變一下衣著,又可以變成型格少女,易於轉換不同造型,可塑性甚高。

【延伸閱讀】西部牛仔熱潮突襲時裝界!

 

大家應該掌握到各個瀏海款式嘅特點,從中可以挑選出一個適合自己嘅春之髮型呢!