近年心臟病已經成為都市人常見健康疾病之一，所以大家應及早學識如何保護心臟，養成健康飲食習慣。心臟健康與日常飲食有密切關係，尤其含不飽和脂肪酸丶維生素A等食物，不但可以清除血脂丶保護心血管，更有助保護心臟健康，只要多食以下五大類食品，就可有助強健心臓。
1）堅果類
堅果類嘅營養價值高，係預防心臟病嘅好食物，而且堅果類含有豐富不飽和脂肪酸及植物固醇，可幫助降低血液中壞膽固醇累積，並防止血管形成硬塊嘅機會。
2）蔬菜類
蔬菜中纖維質就好比血管中清道夫，可以吸附脂肪及有毒物質，再經由糞便排出體外，而且可以抑制膽固醇形成，此外，蔬菜亦含豐富維生素A丶C丶E等營養素，可以清除體內自由基，延緩身體老化。
3）海鮮類
海鮮類含健康蛋白質丶牛磺酸丶鈣質及各種維生素，可以預防動脈硬化，幫助人體製造血液中礦物質，而海鮮類當中仲有一項特殊營養成分蝦紅素，蝦紅素可有助身體抗氧化及提升免疫力。
4）肉類
肉類所含蛋白質高，蛋白質可以維持心臟健康，令心臟能夠正常活動，但要注意攝取肉類時嘅份量及部位，蛋白質高並且飽和脂肪酸低嘅肉類，先會對心臟有益。
5）豆類
大豆中含豐富蛋白質，而豆類比動物蛋白質嘅氨基酸含量更低，因此有抑制血壓上升嘅效果，而且植物性蛋白質含有可溶解膽固醇嘅卵磷脂，有效預防動脈硬化疾病。
心臟病已經遂漸有年輕化趨勢，所以每個人都應該及早注意飲食，防範於未然！
以上資料只供參考，如有疑問，請向家庭醫生或營養師查詢。
